ಕಾಡಿನ ನೆನಪಿಗೆ ಸ್ವಲ್ಪ ವಿರಾಮ.!! ಈಗ ಗೀತ್ ಗಾತಾ ಚಲ್!!!ಮೈಸೂರಿನಲ್ಲಿ ವೈಧ್ಯರ ಕಲರವ. !!! ಚಿತ್ರನಟಿ ಸುಮಲತಾ ಅಂಬರೀಶ್ ಹಾಡ್ತಾರೆ ಗೊತ್ತ!!!

ಪ್ರತಿನಿತ್ಯ ರೋಗಿಗಳ ಒಡನೆ ಮಿಂದು ಅವರ ನೋವಿಗೆ ಮಿಡಿದ ವೈಧ್ಯರು ಮೈಸೂರಿನಲ್ಲಿ ಪ್ರತೀವರ್ಷ "" ಗೀತ ಗಾತಾ ಚಲ್ "" ಅಂತಾ ಹಾಡಿ ಕುಣಿದು, ಸುಮಧುರ ಹಾಡುಗಳ  ರಸದೌತಣವನ್ನು ಮೈಸೂರ ಜನರಿಗೆ ನೀಡುತ್ತಾರೆ.ಈ ಕಾರ್ಯ ಕಳೆದ ಹತ್ತು ವರ್ಷಗಳಿಂದ  ನಿರಂತರವಾಗಿ ನಡೆದುಕೊಂಡು ಬಂದಿದೆ.ಬನ್ನಿ ಈ ಬಾರಿಯ ವಿಶೇಷವನ್ನು ಸವಿಯುವ. ಅಚ್ಚರಿಯ ವಿಷಯವೆಂದರೆ ಈ ಬಾರಿ ವೈಧ್ಯರ ಮಕ್ಕಳೂ ಸಹ ವೇದಿಕೆ ಏರಿದ್ದು.ಜೊತೆಗೆ ತಾರಾ ಸ್ಪರ್ಶ .ಕಳೆದ ಭಾನುವಾರ ಸಂಜೆ ನನ್ನ ಪಾಲಿಗಂತೂ ಗಾನದ ಸ್ವರ ಮಾಧುರ್ಯದ  ಸವಿ ಸಂಜೆಯಾಗಿ ಬಂದಿತ್ತು  

.   ಕಾರ್ಯಕ್ರಮ ಅಚ್ಚುಕಟ್ಟಾಗಿ ಆಯೋಜಿಸಿದ್ದು ಒಂದು  ಹೆಗ್ಗಳಿಕೆ. ಸರಿಯಾಗಿ ಆರು ಘಂಟೆಗೆ ಕಾರ್ಯಕ್ರಮ   ನಾಡಗೀತೆ ಯೊಂದಿಗೆ  ಶುರು, "ಭಾರತ ಜನನಿಯ ತನುಜಾತೆ" ನಾಡ ಗೀತೆ ಯನ್ನು ಮೈಸೂರಿನ ದಂತ ವೈಧ್ಯೆ ಡಾ// ಸ್ನೇಹಶ್ರೀ  ಹಾಡಿದರೆ ಸಭಿಕರು ಎದ್ದು ನಿಂತು ಗೌರವ ಸಲ್ಲಿಸಿದರು.ನಂತರ ವೇದಿಕೆ ಗೆ ಪ್ರವೇಶ ಪಡೆದವರು ಮೈಸೂರಿನ ಮುಖೇಶ್ ಅಂತಾ ಕರೆಸಿಕೊಳ್ಳುವ [ಇವ್ರು ಮಾತಾಡಿದ್ರೆ  ಹಿಂದಿ ಗಾಯಕ ಮುಖೇಶ್ ಮಾತಾಡಿದಂತೆ ಆಗುತ್ತೆ.]ಡಾ // ನಟ ಶೇಖರ್ [ ಇವರು ಮೈಸೂರಿನ ಪ್ರಸಿದ್ದ ಇ.ಏನ್.ಟಿ. ಸ್ಪೆಷಲಿಸ್ಟ್ ] ಅದ್ಭತ ಹಾಡುಗಾರ ಮುಖೇಶ್ ಹಾಡುಗಳನ್ನು ಲೀಲಾ ಜಾಲವಾಗಿ ಹಾಡಿ ಸೈ ಅನ್ನಿಸಿಕೊಂಡಿದ್ದಾರೆ. ಇವರು ಶುರು ಮಾಡಿದ್ದು ಕನ್ನಡ  " ವಿಜಯನಗರ  ವೀರ ಪುತ್ರ "  ಚಿತ್ರದ " ಅಪಾರ ಕೀರ್ತಿ ಗಳಿಸಿ ಮೆರೆವ ಭವ್ಯ ನಾಡಿದು " ಎಂದು ಹಾಡಿ  ಕನ್ನಡ ನುಡಿಗೆ ನಮಿಸಿ  ರಾಜ್ ಕಪೂರ್  ಅಭಿನಯದ ಸಂಗಂ ಹಿಂದಿ ಚಿತ್ರದಲ್ಲಿ ರಫಿ  ಹಾಡಿರುವ '"  ಏ ಮೇರ ಪ್ರೇಂ ಪತ್ರ ಪಡ್ಕರ್" ಹಾಡನ್ನು ಹಾಡಿದರು.ಪ್ರೇಮ ಪತ್ರದ ಹಾಡಿನ ನಂತರ ಡಾ // ನಟಶೇಖರ್  ಮತ್ತೊಬ್ಬ ಅದ್ಭುತ ಹಾಡುಗಾರ್ತಿ  ಡಾ// ಹೇಮಲತಾ [ಮೈಸೂರು ಕೆ.ಆರ್ ಆಸ್ಪತ್ರೆ ಯಲ್ಲಿ ಪ್ರಸಿದ್ದ ಪೆತಾಲಾಜಿಸ್ಟ್ ಲತಾಮಂಗೇಶ್ಕರ್ ಹಾಡುಗಳನ್ನು ಸುಮಧುರವಾಗಿ ಹಾಡುತ್ತಾರೆ.] ರವರೊಂದಿಗೆ "ಬೆಳ್ಳಿ ಮೋಡದ ಅಂಚಿನಿಂದ" ಹಾಡನ್ನು ಹಾಡಿ    ಸುಂದರ  ಸಂಜೆಗೆ ಮೆರಗು ನೀಡಿದರು. ನಂತರ ಡಾ// ನಟ ಶೇಖರ್  ಜೊತೆಗೂಡಿದ್ದು ಅವರ ಪುತ್ರಿ ಅಪೂರ್ವ ನಟ ಶೇಖರ್ ತಂದೆ ಮಗಳು ಸೇರಿ " ಹಾಲ್ ಕೈಸಾ ಹೇ ಜನಾಬ್ ಕ , ಕ್ಯಾ ಕಯಾಲ್  ಹೇ ಆಪುಕ " ಹಾಡನ್ನು ಹಾಡುತ್ತಿದ್ದರೆ  ಕೇಳುಗರು ತಾಳಾ ಹಾಕಿ ನಲಿಯುತ್ತಿದ್ದರು. ಹಾಡಿನ ನಂತರ ಲತಾ ಮಂಗೇಶ್ಕರ್ ಹಾಡಿರುವ " ಅನಾರ್ಕಲಿ ' ಚಿತ್ರದ "ಏ ಜಿಂದಗೀ ಉಸೀಕಿ ಹೈ" ಹಾಡನ್ನು ಡಾ// ಹೇಮಲತಾ ರವರು ಹಾಡಿ ಗಾನ ಸುಧೆ ಪ್ರಸರಿಸಿದರು.ನಂತರದ ಸರದಿ "ಕು.ಸ್ಪರ್ಶಾ  ಶೆಣೈ" ಇವರು "ಮಿಸ್ಟರ್ ಇಂಡಿಯಾ '' ಚಿತ್ರದ "ಹವಾ ಹವಾ ಹೈ " ಹಾಡನ್ನು    ನರ್ತಿಸುತ್ತಾ ಹಾಡಿ ಚಪಾಳೆ ಗಿಟ್ಟಿಸಿದರು.ಡಾ// ಯೂ.ಜಿ.ಶೆಣೈ "ಹೃದಯ  ಗೀತೆ ' ಚಿತ್ರದ "ಯುಗ ಯುಗಗಳೇ ಸಾಗಲಿ" ಹಾಡನ್ನು ಹಾಡಿ ರಂಜಿಸಿದರು. "ಹುಲಿಯ ಹಾಲಿನ ಮೇವು " ಚಿತ್ರದ " ಬೆಳದಿಂಗಳಾಗಿ ಬಾ  ತಂಗಾಳಿಯಾಗಿ ನಾನು"ಎಂದು ಲಹರಿ ಹರಿಸಿ ವಾತಾವರಣವನ್ನು ಡಾ// ಎಂ.ಎ. ಶೇಖರ್   ಪ್ರೀತಿಮಯಗೊಳಿಸಿದರು . ಕಿಕ್ಕಿರಿದು ನೆರೆದಿದ್ದ ಪ್ರೇಕ್ಷಕರನ್ನು ರಂಜಿಸಿದ ಮತ್ತೊಬ್ಬರೆಂದರೆ ನಿರೂಪಕ "ಸೈಯದ್ ಅಲ್ತಾಫ್ ಅಹಮದ್ " ಉತ್ತಮ ನಿರೂಪಣೆ ಯೊಂದಿಗೆ ಪ್ರೇಕ್ಷಕರನ್ನು ರಸಪ್ರಶ್ನೆಗಳ ಮೂಲಕ ಕಾರ್ಯಕ್ರಮಕ್ಕೆ ಎಳೆದುತಂದ ಮಾಂತ್ರಿಕ ರಾಗಿ ಮಿಂಚಿದರು.ಶುರುವಾಯ್ತು ನೋಡಿ ಮುಖೇಶ್ ಹಾಡಿದ "ಸಂಗಂ" ಚಿತ್ರದ "ದೋಸ್ತು ದೋಸ್ತು ನಾ ರಹ"  ಡಾ// ಗುಣಶೇಖರ್ ಹಾಡುತ್ತಿದ್ದರೆ ಚಿತ್ರದಲ್ಲಿ ರಾಜ್ಕಪೂರ್ ಅನುಭವಿಸುವ ನೋವನ್ನು  ಅವಾಹಿಸಿಕೊಂಡ ಪ್ರೇಕ್ಷಕರು ಮೌನವಾಗಿ ಮೂಕರಾದರು.ನೋವಿನ ಸನ್ನಿವೇಶದಿಂದ ಹೊರಕ್ಕೆ ತಂದವರು ಕು .ಪ್ರೀತಿ ಪ್ರಭು ಈಕೆ ನಿಜಕ್ಕೂ ಅಪ್ಪಟ ಪ್ರತಿಭೆ "ಮನ್ನಾಡೆ ಹಾಡಿದ " ಶಾಸ್ತ್ರೀಯ ಸಂಗೀತ ಪ್ರಧಾನ "ಲಾಗಾ ಚುನರಿ ಮೇ ದಾಗ್ " ಹಾಡನ್ನು[ "ದಿಲ್ ಹಿ ತೊ ಹೈ "ಚಿತ್ರದಿಂದ ] ಅದ್ಭುತವಾಗಿ ಹಾಡಿದರು.ಅತ್ಯಂತ ಕಷ್ಟಕರ ವಾದ    ಈ ಹಾಡಿನಲ್ಲಿ ಬರುವ ಸ್ವರ ಸಂಚಾರಗಳನ್ನು ಏರಿಳಿತಗಳನ್ನು ಸಮರ್ಥವಾಗಿ ನಿರ್ವಹಿಸಿ ಎಲ್ಲರ ಮನಸಿನ ಸ್ಟಾರ್ ಆಗೆಬಿಟ್ಟರು !!.ಪ್ರೇಕ್ಷಕರಿಂದ ವಾಹ್ ವಾಹ್ ಎನ್ನುವ ಶಭಾಶ್ ಗಿರಿ .ನಂತರ ಡಾ// ಹೇಮಲತಾ ಅವರು " ಭಾಯಿ ಭಾಯಿ "ಚಿತ್ರದ "ಹೇ ವಿಲ್ ಮುಜೆ ಬತಾದೆ "ಹಾಡಿಗೆ ಹಾಡುಗಾರರ ಕರೆಯ ಮೇರೆಗೆ       ವೇಧಿಕೆಗೆ ಬಂದ ಕೆಲವರು ಹೆಜ್ಜೆ ಹಾಕಿ ನಲಿದರು. ವೇದಿಕೆ ಮೇಲೆ ಹೆಜ್ಜೆ ಹಾಕಿದ ಡಾ // ಕುಶಾಲಪ್ಪ  ಅವರು ಕು. ರಾಧಿಕಾ ವಿಶ್ವೇಶ್ವರ ಅವರೊಂದಿಗೆ "ಪಿಯ ಬೋಲೆ ಪಿಯ ಬೋಲೆ " ಹಾಡನ್ನು ಮಧುರವಾಗಿ ಹಾಡಿದರು.ಉತ್ತಮ ಸಂಯೋಜಿತ ಗಾಯನ ಹಾಗು ಕು. ರಾಧಿಕ ವಿಶ್ವೇಶ್ವರ ಶ್ರೇಯಾ ಘೋಶಾಲ್ ಳಂತೆ ಸ್ವರ ನೀಡಿದ್ದು  ವಿಶೇಷವಾಗಿತ್ತು. "ಚಿನ್ನ ಚಿನ್ನ ಆಸೈ" ಹಾಡಿನೊಂದಿಗೆ ಬಂದ ಡಾ // ಸ್ನೇಹಶ್ರೀ ರೋಜ ಚಿತ್ರದ ನೆನಪನ್ನು ಮೂಡಿಸಿದರು ಏ.ಆರ್.ರೆಹಮಾನ್ ಸಂಗೀತ  ವಿರುವ ಹಾಡನ್ನು ಅಮೋಘವಾಗಿ ಹಾಡಿ ಮಿಂಚಿದರು. ಇನ್ನೊಂದು  ವಿಶೇಷ ಈ ಡಾಕ್ಟ್ರು ನೋಡೋಕೆ "ಕವಿತಾ ಕೃಷ್ಣ ಮೂರ್ತಿ " ತರಾ ಹಾಡೋದು ಲತಾ ಮಂಗೇಶ್ಕರ್ ತರಾ ಅಂತಾ ಹೋದ ವರ್ಷ ಅಲ್ತಾಫ್ ನಿರೂಪಣೆ ಮಾಡಿದ್ದ ಮಾತುಗಳು ನೆನಪಿಗೆ ಬಂದವು.ಇಷ್ಟೆಲ್ಲಾ ಆದ್ಮೇಲೆ ಮತ್ತೊಬ್ಬ ಗಾಯಕ ಡಾ // ಗಣೇಶ್ ರಾವ್ ಅವರ ಸ್ವರವನ್ನು ನೆನೆಯಲೇ ಬೇಕು ಪಾದರಸದಂತ ಇವರು ಬಹುಮುಖ ಪ್ರತಿಭೆ ನಿರೂಪಣೆ ಜೊತೆಗೆ ಹಾಡು ಹಾಡಿದರು ಇವರು ಹಾಡಿದ " ತುಂ  ದಿಲ್ ಕಿ ಧಡಕನ್ ಮೇ " ಹಾಡನ್ನು ಹಾಡುತ್ತಿದ್ದರೆ ಅಭಿಜಿತ್ ಕಣ್ಣ ಮುಂದೆ ಬರುತ್ತಾರೆ. ಹಾಡು ಸೊಗಸಾಗಿ ಮೂಡಿಬಂತು.ಈ ಕಾರ್ಯಕ್ರಮದ  ಮದ್ಯದಲ್ಲಿ  ವೈಧ್ಯರ ಹಾಡು ಕೇಳಲು ಚಿತ್ರ ನಟಿ ಸುಮಲತಾ ಅಂಬರೀಶ್ .ಆಗಮನ ವಾಗಿ ಸಂಚಲನ ಮೂಡಿಸಿತ್ತು.ಬಹಳ ಕಾಲ ಹಾಡುಗಳನ್ನು ಕೇಳಿದ ಸುಮಲತಾ ತುಂಬಾ ಖುಷಿಯಾಗಿ ತಾವು ಹಾಡಲು ಮುಂದಾದದ್ದು ವಿಶೇಷ.ನನಗೆ ಗೊತ್ತಿದಂತೆ ಚಿತ್ರ ನಟಿಯರು ಉತ್ತಮವಾಗಿ ಹಾಡುವುದು ಅಪರೂಪ ಆದ್ರೆ ಸುಮಲತಾ ಮೈಕ್ ಹಿಡಿದು  ಲತಾ ಹಾಡಿರುವ " ಅಜೀಬ್ ದಾಸುತಾಹು ಮೇ ,ಕಹಾ ಶುರು  ಕಹಾ ಖತಂ " ಅಂತಾ ಹಾಡಲು ಶುರು ಮಾಡಿದರೂ   ನೋಡಿ       ಪಕ್ಕ ದಲ್ಲಿದ್ದವರು ರೀ ಆಶ್ಚರ್ಯ ಆಲ್ವಾ ಈಕೆ  ತುಂಬಾ ಚೆನ್ನಾಗಿ ಹಾಡ್ತಾರೆ ಕಣ್ರೀ ಅನ್ನುತ್ತಾ ಚಪ್ಪಾಳೆ ತಟ್ಟಿದರು. ಹೌದ್ರೀ ಇವ್ರುಗಳು  ಹಾಡ್ತಾ ಹಾಡ್ತಾ ಸಮಯ ಕಳೆದದ್ದೇ ಗೊತಾಗ್ಲಿಲ್ಲಾ ಹಾಡುಗಳ ರಸದೌತಣದ ಮಧ್ಯೆ ಹಾಯಾಗಿ ಪುಸ್ತಕ ಓದುವ  ಒಬ್ಬರು  ಪುಸ್ತಕ ಓದುತ್ತಾ ಸಂಗೀತ ಕೇಳಿದ್ದು ವಿಚಿತ್ರವಾಗಿತ್ತು. ಹಾಗು ನನ್ನ ಕ್ಯಾಮರಾ ಕಣ್ಣಿಗೆ ಸೆರೆಯಾಗಿ ನೋಡಿ ಇಲ್ಲಿ ಸಿಕ್ಕಿಬಿದ್ದಿದ್ದಾರೆ. ಮುಂದಿನ ಬಾರಿ ನಮ್ಮ ಊರಿನ ವೈಧ್ಯರ "ಗೀತ್ ಗಾತಾ ಚಲ್ " ಕಾರ್ಯ ಕ್ರಮಕ್ಕೆ ನೀವೂ ಬನ್ನಿಜೊತೆಯಾಗಿ ಖುಷಿ ಹಂಚಿಕೊಳ್ಳೋಣ !!! ಆಲ್ವಾ?? .ಮುಂದಿನ ಸಂಚಿಕೆಯಲ್ಲಿ ಮತ್ತೆ ಕಾಡಿಗೆ ಮರಳೋಣ.ಓ.ಕೆ.ನಾ ಬಾಯ್