ಇತ್ತೀಚಿಗೆ ಯಾಕೋ ಬ್ಲಾಗ್ ಲೋಕದಿಂದ ಸ್ವಲ್ಪ ಹೊರಗೆ ಇರಬೇಕೆಂಬ ಬಯಕೆ ಹೆಚ್ಚಾಗುತ್ತಿತ್ತು!!! ಅದಕ್ಕೆ ಸರಿಯಾಗಿ ಮನೆಯ ಮುಂದೆ ರಸ್ತೆ ಅಗಲೀಕರಣ ಮಾಡುವಾಗ ಜೆ.ಸಿ.ಬಿ. ಯಂತ್ರ ನಮ್ಮ ಮನೆಯ ಟೆಲಿಫೋನ್ ವೈರ್ ತುಂದರಿಸಿತ್ತು. ಹಾಗಾಗಿ ಒಂದೆರಡು ದಿನ ನಾನು ಈ ಬ್ಲಾಗ್ ಲೋಕದಿಂದ ದೂರ !! ಇದರಿಂದ ನನ್ನ ಬಯಕೆ ಪರೋಕ್ಷ ವಾಗಿ ಈಡೇರಿತ್ತು. ಇವತ್ತು ಮತ್ತೆ ವೈರುಗಳನ್ನುಮಾಡಿ ದೂರವಾಣಿ ಇಲಾಖೆ ಯವರು ದುರಸ್ತಿ ಮಾಡಿದ ಕಾರಣ ಮತ್ತೆ ಈ ಲೋಕಕ್ಕೆ ಮರಳಿ ಕಂಪ್ಯೂಟರ್ ನಲ್ಲಿ ನನ್ನ ಮೇಲ್ ಬಾಕ್ಸ್ ತೆಗೆದರೆ ನನ್ನ ಮಿತ್ರ ಪ್ರದೀಪ್ ರ ಮೇಲ್ ಬಂದಿತ್ತು!!!. ಗೆಳೆಯ ಪ್ರದೀಪ ನನಗೆ ಆರ್ಕುಟ್ ಲೋಕದಲ್ಲಿ ಪ್ರಥಮವಾಗಿ ಪರಿಚಯವಾಗಿ ಕಾಮೆಂಟ್ ಕಳುಹಿಸಿ ಸ್ನೇಹ ಹಸ್ತ ಚಾಚಿದವರು,ನಬ್ಬಿಬ್ಬರ ಸ್ನೇಹ ಕರ್ನಾಟಕ ಹಾಗು ಒರಿಸ್ಸಾ ರಾಜ್ಯಗಳ ಬಗ್ಗೆ ಪರಸ್ಪರ ಮಾಹಿತಿ ಹಂಚಿಕೆಯಿಂದ ಗಟ್ಟಿಗೊಂಡು ಇಂದು ಅವರ ಇಡೀ ಕುಟುಂಬವೇ ನನಗೆ ಪರಿಚಯವಾಗಿ ಒರಿಸ್ಸಾ ರಾಜ್ಯದ ಸಂಬಾಲಪುರದಲ್ಲಿ ನನಗೆ ಗೆಳೆಯರ ಬಹು ದೊಡ್ಡ ಗುಂಪು ಸೃಷ್ಟಿಯಾಗಿದೆ.ಇವರು ನನಗೆ ಕಳುಹಿಸುವ ಇ- ಮೇಲ್ ಗಳು ಖುಷಿಕೊಡುತ್ತವೆ. ಇತ್ತೀಚಿಗೆ ಒಂದು ಇ-ಮೇಲ್ ನಲ್ಲಿ ನನಗೆ ಮಾನವರ ದೇಹಗಳಿಂದ ರಚಿತವಾದ ಪುಷ್ಪ , ಹಣ್ಣು, ಗಿಡ , ಖಾಂಡ ಮುಂತಾದ ಸುಂದರ ಚಿತ್ರಗಳನ್ನು ಈ ಪ್ರದೀಪ್ ಕಳುಸಿಸಿದ್ದಾರೆ!! ಈ ಚಿತ್ರಗಳನ್ನು ಕಲಾತ್ಮಕವಾಗಿ ನೋಡಿದರೆ ತುಂಬಾ ಖುಷಿಯಾಗುತ್ತದೆ. ಕೆಲವೊಮ್ಮೆ ಸುಂದರ ಕ್ಷಣಗಳು ಯಾವ ಕಡೆ ಇಂದ ಬರುತ್ತದೆ ತಿಳಿಯೋದಿಲ್ಲ !! ಈ ಚಿತ್ರಗಳನ್ನು ನೋಡಿ ಸಂತಸದ ಅಲೆ ಮನಸ್ಸಿನಲ್ಲಿ ಉಂಟಾಯಿತು.ಬನ್ನಿ ನಿರ್ಮಲ ಮನಸಿನಿಂದ ಈ ಚಿತ್ರಗಳ ಸೌಂದರ್ಯ ಸವಿಯೋಣ.""ಒಳ್ಳೆಯ ಮನಸಿದ್ದರೆ ಜಗವೇ ಸುಂದರ " ಎನ್ನುವ ನುಡಿ ಈ ಚಿತ್ರಗಳನ್ನು ನೋಡಿ ನನಗೆ ಅನ್ನಿಸಿತು.!!! ನಿಮಗೆ ????
ನಮ್ಮ ಮನಸ್ಸು ಶುದ್ದವಿದ್ದರೆ ಜಗವೇ ಸುಂದರ!!!!{ if our heart and mind is pure everything is pure}
Thursday, September 30, 2010
ಒರಿಸ್ಸಾ ರಾಜ್ಯದ , ಸಂಬಾಲ್ಪುರ್ ಗೆಳೆಯ ಪ್ರದೀಪ್ ಕಳುಹಿಸಿದ ಸುಂದರ ಇ -ಮೇಲ್ !!!
Friday, September 24, 2010
ಡಾ// ರಾಜ್ ಕುಮಾರ್ ಹಾಗೂ ಬಿ. ಸರೋಜಾದೇವಿ ಆಕಾಶವೇ ಬೀಳಲಿ ಮೇಲೆ ಎಂದು ಹಾಡಿದ್ದು ಇಲ್ಲೇ !!!
| ಕಲ್ಲಿರಲಿ ಮುಳ್ಳೇ ಇರಲಿ ನಾ ಮೊದಲು ಮುನ್ನಡೆವೆ !!! |
| ಹೆದರಿಕೆಯ ನೋಟವೇಕೆ ಒಡನಾಡ ನಾನಿರುವೆ !!1 |
| ಹೊಸ ಬಾಳಿನ ಹಾದಿಯಲ್ಲಿ ಜೊತೆ ಗೂಡಿ ನಾ ಬರುವೆ!! |
| ಇಂದೀಗ ಎರಡೂ ಜೀವ ಬೆರೆತೂ ಸ್ವರ್ಗ ವಾಯ್ತು!! |
ಹಾಗೆ ಸಿ.ಡಿ.ಯಲ್ಲಿ ಈ ಹಾಡು ಕೇಳುತ್ತಿದ್ದೆ .ಅರೆ ತಾಳು ಈ ಹಾಡನ್ನು ಯೂ ಟ್ಯೂಬ್ ನಲ್ಲಿ ನೋಡೋಣ ಅಂತ ಅಲ್ಲಿಗೆ ಹೋದೆ.ಆಶ್ಚರ್ಯ ಕಾದಿತ್ತು!!! ತೆಲುಗಿನ ನಿರ್ದೇಶಕ ಜಯಂತ್ ಪರಾಂಜಿ ಎನ್ನುವರು ತಮ್ಮ ಕಾಮೆಂಟ್ ಹಾಕಿ ಈ ಹಾಡು ತಮಗೆ ತೆಲುಗಿನಲ್ಲಿ ಒಳ್ಳೆಯ ಚಿತ್ರಗಳನ್ನು ನೀಡಲು ಪ್ರೇರೇಪಿಸಿತು ಅಂತ ಹೇಳಿದ್ದಾರೆ.ಹಾಗೆ ನೋಡ್ತಾ ನೋಡ್ತಾ ಇದು ನಮ್ಮ ಕರಿಘಟ್ಟ ದಲ್ಲಿ ಚಿತ್ರಿಕರಿಸಿರೋದು ಕಾಣಿಸಿತು.ಸರಿ ಅಂತ ಭಾನುವಾರ ಅಲ್ಲಿಗೆ ಹೊರಟೆ..ಅಲ್ಲಿ ನನಗೆ ಕೆಲವು ತಾಣಗಳನ್ನು ನೋಡಿ ಹಾಡು ಜ್ಞಾಪಕ ಬಂತು. ಸುಮದುರ ಹಾಡನ್ನು ಚಿತ್ರೀಕರಿಸಿದ ಜಾಗ ನನ್ನ ಕ್ಯಾಮರಾ ದಲ್ಲಿ ಸೆರೆಯಾಯ್ತು!!!ದೂರದಲ್ಲಿ ಡಾ//ರಾಜ್ ಕುಮಾರ್ ಸರೋಜಾದೇವಿ ಹಾಡು ಹೇಳುತ್ತಾ ಓಡಿ ಬರುತ್ತಿರುವಂತೆ ಭಾಸವಾಯಿತು !!!.ಇದರ ಶ್ರೇಯಸ್ಸು ಹಾಡು ರಚಿಸಿದ ಚಿ.ಉದಯ ಶಂಕರ್ , ಸಂಗೀತ ನೀಡಿದ ರಾಜನ್ ನಾಗೇಂದ್ರ , ಹಾಡು ಹೇಳಿದ ಪಿ.ಬಿ. ಶ್ರೀನಿವಾಸ್ , ಹಾಡಿನಲ್ಲಿ ನಟಿಸಿದ ಡಾ//ರಾಜ್ ಕುಮಾರ್ ಬಿ.ಸರೋಜಾ ದೇವಿ ಹಾಗು ನಿರ್ದೇಶಕ ಸಿದ್ದಲಿಂಗಯ್ಯ ಅವರಿಗೆ ನಮ್ಮ ಕನ್ನಡ ಚಿತ್ರರಂಗದ ಕೀರ್ತಿ ಹಬ್ಬಲು ಕಾರಣರಾದ ಇವರೆಲ್ಲರಿಗೆ ಈ ನೆನಪಿನ ಕಾಣಿಕೆ. ತೆಲಗು ನಿರ್ದೇಶಕರ ಅಭಿಪ್ರಾಯ ಹೀಗಿದೆ ನೋಡಿ.
Monday, September 20, 2010
ಕಾವೇರಿ ರಂಗ !!!!: ಬನ್ನಿ ಕಾವೇರಿ ರಂಗನ ದರುಶನಕೆ !!! ದೇವಾಲಯದ ಅಂಗಳಕೆ !!!...
ಕಾವೇರಿ ರಂಗ !!!!: ಬನ್ನಿ ಕಾವೇರಿ ರಂಗನ ದರುಶನಕೆ !!! ದೇವಾಲಯದ ಅಂಗಳಕೆ !!!...: "ಪಂಡಿತ್ ಭೀಮ್ ಸೇನ್ ಜೋಷಿಯವರು ಭಕ್ತಿ ತುಂಬಿ ಹಾಡಿದ ಕಂಗಳಿದ್ಯಾತಕೋ ಹಾಡಿನಿಂದ ನಿಮ್ಮನ್ನು ಸ್ವಾಗತಿಸುತ್ತೇನೆ. ಬನ್ನಿ ಕಾವೇರಿ ರಂಗನ..."
Thursday, September 16, 2010
1970 ರ ದಶಕದಲ್ಲಿ ವಿಶ್ವವನ್ನು ಅಬ್ಬಬ್ಬಾ ಎನ್ನಿಸಿತ್ತು ಸ್ವೀಡನ್ ದೇಶದ ಈ"ABBA '' ಸಂಗೀತಗಾರರ ಮೋಡಿ.!!!
![]() |
| ಸ್ವೀಡನ್ ದೇಶದ ಹೆಮ್ಮೆಯ ಸಂಗೀತಗಾರರು. |
ನಾನು ಪ್ರೌಡಶಾಲೆಯಲ್ಲಿ ಓದುತ್ತಿದ್ದ ಸಮಯ ಹಳ್ಳಿ ಹೈದ ನಾನು ದಸರಾ ಹಾಗು ಬೇಸಿಗೆ ರಜೆಯಲ್ಲಿ ರಜೆಕಳೆಯಲು ಮೈಸೂರಿಗೆ ನನ್ನ ನೆಂಟರ ಮನೆಗೆ ಬರುತ್ತಿದ್ದೆ.ನನ್ನ ಸಂಬಂದಿ ರವಿ ಆಗಾಗ ಟೇಪ್ ರೆಕಾರ್ಡರ್ ನಲ್ಲಿ ಇಂಗ್ಲೀಷ್ ಹಾಡು ಕೇಳುತ್ತಿದ್ದ . ನನಗೆ ಅರ್ಥವಾಗದಿದ್ದರೂ ಹಾಡಿನ ವಾಧ್ಯಗಳ ಮೋಡಿಗೆ ಒಳಗಾಗಿ ಈ ಹಾಡುಗಳನ್ನು ಕೇಳಲು ಶುರುಮಾಡಿದ್ದೆ.ಇಂಗ್ಲೀಷ್ ಹಾಡು ಹಾಡುವುದೂ ಅಂದಿನ ಜಮಾನದ ಒಂದು ಫ್ಯಾಶನ್ ಆಗಿತ್ತು . ನಾನು ಸಹ ಹಳ್ಳಿಹೈದ ಎಂಬುದನ್ನು ಮರೆತು ಪ್ಯಾಟೆ ಗಂಡು ಅಂಥಾ ತೋರಿಸಿ ಕೊಳ್ಳೋಕೆ ಶುರುಮಾಡಿದ್ದೆ. ಹಾಡಿನ ಭಾಷೆ ಅರ್ಥ ವಾಗದೆ ಬೆಪ್ಪಾಗಿದ್ದೆ!!ಹಾಗೂ ಹೀಗೂ ಹಾಡುಗಳ ಅರ್ಥ ಗ್ರಹಿಸಲು ಶುರುಮಾಡಿದ ನನಗೆ ಇಂಗ್ಲೀಷ್ ಹಾಡುಗಳಲ್ಲಿಯೂ ಅರ್ಥವಿದೆ ಅನ್ನಿಸ ತೊಡಗಿತು.
![]() |
| ಪ್ರಪಂಚದಲ್ಲಿ ಅತೀ ಪ್ರಸಿದ್ಧಿ ಪಡೆದ ದಿನಗಳು |
ಆ ಸಮಯದಲ್ಲಿ ನಾನು ಬಹುಷಃ ಇಂಗ್ಲೀಷ್ ಹಾಡುಗಾರರ ಪೋಸ್ಟರ್
![]() |
| ಅಂದು ಹೀಗಿದ್ವಿ |
ಗಳನ್ನೂ ಸಂಗ್ರಹಿಸಲು ಆಂಗ್ಲ ಭಾಷೆಯ " ಸನ್,"" ವೀಕ್ ಎಂಡ್ " ಮುಂತಾದ ವಾರ ಪತ್ರಿಕೆಗಳನ್ನು ಪೋಸ್ಟರ್ ಸಲುವಾಗಿ ತಂದು ಪೋಸ್ಟರ್ ಇಟ್ಟುಕೊಂಡು ಉಳಿದ ಪತ್ರಿಕೆಯನ್ನು ಹಾಗೆ ಓದದೆ ಬಿಸಾಕಿದ್ದೂ ಉಂಟು.ನಂತರ ಓದಲು ಶುರುಮಾಡಿದೆ ಅನ್ನಿ. ನನ್ನ ಕೋಣೆಯ ಗೋಡೆಯ ತುಂಬಾ ಈ ಹಾಡುಗಾರರದೆ ಪೋಸ್ಟರ್ ಹಾಕಿಕೊಂಡು ನಾನು ಇವರಂತೆ ಸಂಗೀತಗಾರ ಆಗ್ತೀನಿ ಅಂತಾ ಬೊಗಳೆ ಬಿಟ್ಟಿದ್ದೆ.[ ನಂತರ ಆಗಿದ್ದೆ ಬೇರೆ ಬಿಡಿ.]ಅಂಥಹ ಸಮಯದಲ್ಲಿ ಅಬ್ಬ ಬೋನಿ.. ಎಂ , ಒಸಿಬೀಸ್ಸ, ದ .ಪೋಲಿಸ್ , ಶೆಕಿನ್ಸ್ ಸ್ಟೀವನ್ಸ್ , ಬೀಟಲ್ಸ್, ಜಾಪ್ನೀಸ್ ಬಾಯ್, ಮೆನ್ ಅಟ್ ವರ್ಕ್ , ಬೀಟಲ್ಸ್, ದೊನ್ನಾ ಸಮ್ಮರ್ ಹೀಗೆ ಇನ್ನೂ ಬಹಳಷ್ಟು ಗುಂಪಿನ ಹಾಡುಗಳನ್ನು ಕೇಳುತ್ತಿದ್ದೆ.ಇವುಗಳಲ್ಲಿ ನನ್ನ ಮೆಚ್ಚಿನ " ಅಬ್ಬಾ "ಗ್ರೂಪಿನ ಸಂಗೀತ ಮನ ಮೋಹಕ ವಾಗಿತ್ತು. ಇಂದಿಗೂ ಮನದ ಮೂಲೆಯಲ್ಲಿ ಕುಳಿತು ಹಾಡುಗಳು ನೆನಪಿನಲ್ಲಿ ಉಳಿದಿವೆ.ಇವರೂ ಇಂಗ್ಲೀಷ್ ಪ್ರಾಬಲ್ಯ ವಿರುವ ದೇಶಗಳ ಹಾಡುಗಾರಿಕೆಗೆ ಸವಾಲಾಗಿ ಪ್ರಪಂಚದಾದ್ಯಂತ ಅಭಿಮಾನಿಗಳನ್ನು ತಮ್ಮ ಹಾಡು ಸಂಗೀತದಿಂದ ರಂಜಿಸಿ ಕುಣಿಸಿದ್ದಾರೆ. ಆಸ್ಟೇಲಿಯಾ ದಲ್ಲಂತೂ ಊರಿಗೊಂದು ಅಬಿಮಾನಿಗಳ ಗುಂಪು ಕಾಣಿಸಿಕೊಂಡಿತ್ತು. ABBA ಎಂಬ ಹೆಸರಲ್ಲೇ ಒಂದು ವಿಶೇಷವಿದೆ ತಂಡದ ನಾಲ್ಕೂ ಸದಸ್ಯ ಹೆಸರಿನ ಮೊದಲ ಅಕ್ಷರಗಳನ್ನು ಸೇರಿಸಿ ಈABBA ಎಂಬ ಗುಂಪಾಗಿ ಶುರುವಾದ ಈ ಗುಂಪಿನಲ್ಲಿ[ Björn Ulvaeus, Benny Andersson, Agnetha Fältskog, and Anni-Frid Lyngstad ಎಂಬ ನಾಲ್ವರು ಪ್ರಮುಖ ಸದಸ್ಯರು . ಮತ್ತೊಂದು ವಿಶೇಷ ಅಂದರೆ ಈ ಗುಂಪು ಇಂಗ್ಲೀಷ್ ಮಾತನಾಡದ ದೇಶ ಸ್ವೀಡನ್ ನಿಂದ ಉದ್ಭವಿಸಿದ್ದು.1970 ರ ದಶಕದಲ್ಲಿ ಸ್ಟಾಕ್ ಹೋಂ ನಲ್ಲಿ ನಿರ್ಮಿಸಿಕೊಂಡ ತಮ್ಮ ಸ್ಟುಡಿಯೋ ದಲ್ಲಿ ಬಹಳಷ್ಟು ಹಾಡುಗಳನ್ನು ಬರೆದು ಧ್ವನಿಮುದ್ರಿಸಿ ಯೂರೋಪ್, ಅಮೇರಿಕ , ಆಸ್ಟ್ರೇಲಿಯಾ , ಜಪಾನ್,ಮುಂತಾದ ದೇಶಗಳಲ್ಲಿ ತಮ್ಮ ಹಾಡುಗಳಿಂದ ಪಾಪ್ ಸಂಗೀತ ಲೋಕದಲ್ಲಿ ಬಿರುಗಾಳಿ ಎಬ್ಬಿಸಿ ಮೆರೆದರು.ಇವರ ಹಾಡುಗಳೋ ಇಂದಿಗೂ ಜನಪ್ರೀಯತೆ ಕಳೆದುಕೊಳ್ಳದೆ ಇಂಗ್ಲೀಷ್ ಪಾಪ್ ಲೋಕದಲ್ಲಿ ಲೆಜೆಂಡ್ ಆಗಿ ಉಳಿದಿವೆ.ಇವರ ಹಾಡುಗಳ ಪಟ್ಟಿ ನೋಡಿಬನ್ನಿ
.
|
![]() |
Wednesday, September 15, 2010
ಕಾವೇರಿ ರಂಗ !!!!: ಶ್ರೀ ರಂಗಪಟ್ಟಣ ಚರಿತೆ ಹಾಗು ಗೌತಮ ಕ್ಷೇತ್ರ. ಪೌರಾಣಿಕ ಹ...
ಕಾವೇರಿ ರಂಗ !!!!: ಶ್ರೀ ರಂಗಪಟ್ಟಣ ಚರಿತೆ ಹಾಗು ಗೌತಮ ಕ್ಷೇತ್ರ. ಪೌರಾಣಿಕ ಹ...: "ಶ್ರೀ ರಂಗ ಪಟ್ಟಣ ದ್ವೀಪಕ್ಕೆ ಸಂಭಂದಿಸಿದಂತೆ ಹಲವಾರು ದಂತ ಕತೆಗಳಿದ್ದು ಎಲ್ಲಾ ಕಥೆಗಳಿಗೆ ಇಂದಿನ ನಾವುಗಳು ಬಯಸುವಂತೆ ದಾಖಲೆಗಳ ಆಧಾರ ವಿಲ್ಲ ಆದಾಗ್ಯೂ ಕಥೆಗಳಿಗೆ ಆಧಾರ..."
Saturday, September 11, 2010
ಈ ಕನ್ನಡ ಹಾಡಿನಲ್ಲಿ ಪ್ರೀತಿಯ ಕವಿತೆ ಚಿತ್ತಾರದ ಚಿಲುಮೆಯಾಗಿ ನರ್ತಿಸಿದೆ.!!!
ನಾನು ಚಿಕ್ಕವನಾಗಿದ್ದಾಗಿನಿಂದಾಗ ಈ ಹಾಡು ಕೇಳು ತಿದ್ದೇನೆ, ಈ ಹಾಡಿನಲ್ಲಿ ಏನೋ ವಿಶೇಷವಿದೆ. 1970 ರಲ್ಲಿ ಬಿಡುಗಡೆ ಯಾದ" ಕಸ್ತೂರಿ ನಿವಾಸ "ಚಿತ್ರದ ಈ ಹಾಡು ಆರ್ .ಎನ್.ಜಯಗೋಪಾಲ್ ಲೇಖನಿಯಿಂದ ಹುಟ್ಟಿಬಂದಿದೆ. ಎಂತಹ ಅದ್ಭುತ ಸಾಹಿತ್ಯ ಪ್ರತಿ ಪದದಲ್ಲಿಯೂ ಸಭ್ಯತೆ ಮೀರದಂತೆ ಪ್ರೀತಿಯ ಮಧುರ ಕಾವ್ಯ ಹರಿದಿದೆ.ಈ ಪ್ರೀತಿಯ ಕವಿತೆಗೆ ಪಿ.ಬಿ.ಶ್ರೀನಿವಾಸ್ ಹಾಗು ಪಿ.ಸುಶೀಲ ಹಾಡುಗಾರಿಕೆ ಮೆರುಗು ನೀಡಿದೆ. ಹಾಡುಗಾರರು ಯಾವುದೇ ಪದದಲ್ಲಿಯೂ ಅನರ್ಥ ವಾಗದಂತೆ ಹಾಡಿದ್ದಾರೆ. ಇನ್ನೂ ಸಂಗೀತ ಸಾಮ್ರಾಟ್ ಜಿ .ಕೆ.ವೆಂಕಟೇಶ್ ಸಂಗೀತದಲ್ಲಿ ಹೊಸತನ ವಿದೆ. ಈ ಹಾಡಿನ ರೆಕಾರ್ಡಿಂಗ್ ಗಮನಿಸಿ ಸಂಗೀತ ವಾಧ್ಯಗಳ ಹಾಗು ಹಾಡುಗಾರರ ಧ್ವನಿ ವಿಶೇಷವಾಗಿ ಕೇಳಿಸುತ್ತದೆ. ಅಂದಿನ ದಿನಕ್ಕೆ ಇದು ಸೂಪರ್ ಆಗಿತ್ತು. stereo ಸೌಂಡ್ ನ ಅದ್ಭುತ ಅನುಭವ ಈ ಹಾಡಿನಲ್ಲಿ ಮೂಡಿಬಂದಿದೆ. ಕಪ್ಪು ಬಿಳುಪಿನ ಆ ಯುಗದಲ್ಲಿ ಚಿತ್ರೀಕರಣ ತುಂಬಾ ಸುಂದರವಾಗಿ ಮೂಡಿದೆ.ಈ ಹಾಡು ಹೀಗೆ ಇರಬೇಕಿತ್ತೂ ಅನ್ನಿಸದೆ ಇರಲಾರದು ಅಲ್ವ!!ಅದಕ್ಕೆ .ಇನ್ನೂ ಈ ಹಾಡಿನ ಕವಿತೆಯ ಚಿತ್ತಾರದ ಚಿಲುಮೆಗೆ ಶ್ರೀ ರಂಗ ಪಟ್ಟಣ ತಾಲೂಕಿನ ಕೆ.ಅರ.ಎಸ ಡ್ಯಾಮಿನ ಚಿಲುಮೆಗಳು ಡಾ// ರಾಜ್ ಕುಮಾರ್ ಹಾಗು ಆರತಿ ಜೊತೆಗೆ ನಟಿಸಿ ನರ್ತಿಸಿವೆ. ಯಾವುದೇ ಪ್ರೇಮಿಗಳ ಮುಂದೆ ಈ ಹಾಡನ್ನು ಹಾಕಿನೋಡಿ ಅವರಿಗೆ ಇದು ತಮ್ಮದೇ ಹಾಡು ಅನ್ನಿಸದಿರದು.ಇಂತಹ ಸಮ್ಮಿಲನದ ಹಾಡು ಇಂದಿಗೂ ಪ್ರೇಮಿಗಳ ಮನಸಿನಲ್ಲಿ ಹಸಿರಾಗಿ , ಮೊಬೈಲಿನ ಎಸ.ಎಂ.ಎಸ.ಗಳಾಗಿ ಹರಿದಾಡಿವೇ. ಬನ್ನಿ ಒಮ್ಮೆ ಹಾಡನ್ನು ನೋಡುತ್ತಾ ಕೇಳುವ.
Friday, September 10, 2010
ನಿಮ್ಮೊಳಗೊಬ್ಬ ನಿಂದ ಸ್ವರ್ಣ ಗೌರಿ ಹಾಗು ಚೌತಿ ಗಣಪತಿ ಹಬ್ಬದ ಶುಭಾಶಯಗಳು.!!!!
ನನ್ನ ಪ್ರೀತಿಯ ಎಲ್ಲಾ ಬ್ಲಾಗ್ ಮಿತ್ರರಿಗೆ ಹಾಗು ಅವರ ಕುಟುಂಬಕ್ಕೆ ಸ್ವರ್ಣ ಗೌರಿ ಹಾಗು ಬಾದ್ರಪದ ಶುಕ್ಲ ಚೌತಿಯ ಗಣಪತಿ ಹಬ್ಬದ ಶುಭಾಶಯಗಳು.ತಮಗೆ ಹಾಗು ಎಲ್ಲರಿಗೂ ಶುಭವಾಗಲಿ ಎಂದು ಹೃದಯ ಪೂರ್ವಕವಾಗಿ ಶುಭಾಶಯ ಅರ್ಪಿಸುವ ಪ್ರೀತಿ ಇಂದ .........ಗಮನಿಸಿ ಬಣ್ಣದ ಗಣಪತಿ ಬದಲಾಗಿ ಪರಿಸರ ಸ್ನೇಹಿ ಗಣಪತಿ ಪೂಜಿಸಿ ಧನ್ಯರಾಗಿ ಎಂದು ಕೋರುವ .......ನಿಮ್ಮ ವಿಶ್ವಾಸಿ... ನಿಮ್ಮೊಳಗೊಬ್ಬ ಬಾಲು
Subscribe to:
Posts (Atom)





















